Tey, ið ynskja at gerðast limir verða biðin um at senda umsókn við CV, myndatilfari og øðrum viðkomandi tilfari til fomyndlist@gmail.com.  Upptøkunevndin viðger síðani umsóknina. Fyri at gerast limur, skal umsøkjarin fáa 10 ella fleiri stig sambært punktunum niðanfyri.

OBS! ‘Myndlist’ = (EN) ‘visual arts’. Heitið umfatar alla visuella list, herundir: málning, tekning, grafikk, skulptur, video, foto, installatión osfr.. Reglugerð um upptøku av limum til felagið “Føroysk Myndlistafólk”. Sett í gildi 04.02.2004

Í upptøkunevndini sita:

︎︎︎ Rannvá Holm Mortensen
︎︎︎ Ole Wich
︎︎︎ Jón Sonni Jensen

Upptøkutreytir eru lýstar í 10 stiga reglunum:

︎  1. Myndalistarlig útbúgving

Lokið prógv á viðurkendum listaskúla, sum tekur minst 3 ár sambært yvirlýsing hjá viðkomandi skúla. Hetta samsvarar við eina útbúgving á bachelor stigi ella hægri: 6 stig.


︎  2. Sensureraðar framsýningar

Sensureraðar framsýningar, t.d. várframsýningin ella tilsvarandi framsýning uttanlands.1 stig fyri hvørja framsýning, tó í mesta lagi 3 stig.


︎  3. Kurateraðar einkarframsýningar

Myndlistarligar einkarframsýningar, sum eru vigaðar av listfakligari dómsnevnd ella kuratori í Føroyum ella uttanlands: 3 stig fyri hvørja framsýning.


︎  4. Kurateraðar bólkaframsýningar

Myndlistarligar bólkaframsýningar, ið eru vigaðar av listafakligari dómsnevnd ella kuratori í Føroyum ella uttanlands: 1 stig fyri hvørja framsýning, tó í mesta lagi 3 stig.

‍
︎  5. Listasavnsframsýningar v.m.

Myndlistaframsýningar á listasavni í ella viðurkendum framsýningarstaði í Føroyum ella uttanlands: 1 stig fyri hvørja framsýning, tó í mesta lagi 3 stig.


︎  6. L istaframsýningar ella listaverkætlanir

Myndlistaframsýningar ella myndlistaverkætlanir, sum eru viðurkendar av listafakligari dómsnevnd ella listafrøðingi: 2 stig fyri hvørja framsýning, tó í mesta lagi 4 stig.


︎  7. Listarligar prýðisuppgávur

Almennar og einskyldar listarligar prýðisuppgávur, ið eru fyrireikaðar av listaligari dómsnevnd: 2 stig fyri hvørja uppgávu.


︎  8. Søla

Søla til listasøvn og stovnar, ið hava listafakliga dómsnevnd: 2 stig fyri hvørt verk tó í mesta lagi 6 stig.


︎  9. Listaligan stuðul

Fingið almennan, norðurlenskan ella altjóða stuðul ella starvsløn til myndlistarligt virksemi: 2 stig hvørja ferð, tó í mesta lagi 6 stig.


︎  10. Upptøkunevndin

Upptøkunevndin tekur í hvørjum einstøkum føri støðu til, hvørjar fortreytir geva stig. Hon kann somuleiðis, eftir meting, geva stig fyri listarligt virksemi ella virði, ið ikki eru nevnd í punktunum omanfyri, treytað av at umsøkjarin annars er nær við at lúka kravda stigatalið.